ஆண்ட்ராய்டு மொபைலில் பழைய தமிழ் எழுத்துருக்களை (Bamini / Legacy Fonts) வாசிக்க புதிய செயலி: TS Doc Reader The Ultimate App to View Legacy Tamil Fonts on Mobile (100% Free)

இன்றைய வேகமான டிஜிட்டல் உலகில், நாம் தகவல்களைப் பரிமாறிக்கொள்ள அதிகமாகப் பயன்படுத்துவது ஸ்மார்ட்போன்களைத் தான். நண்பர்கள், அலுவலகங்கள் மற்றும் பாடசாலைகளில் இருந்து பல்வேறு ஆவணங்கள் நமக்கு வாட்ஸ்அப் (WhatsApp) அல்லது ஈமெயில் (Email) மூலமாகத் தினமும் வந்து கொண்டிருக்கின்றன. ஆனால், இவ்வாறு வரும் தமிழ் ஆவணங்களை நமது மொபைலில் திறக்கும்போது, நாம் அனைவரும் ஒரு பொதுவான பிரச்சினையை எதிர்கொள்கிறோம். அதுதான் “எழுத்துருக்கள்” (Fonts) பிரச்சினை.

குறிப்பாக, கணினியில் தட்டச்சு செய்யப்படும் பெரும்பாலான தமிழ் ஆவணங்கள் பாமினி (Bamini), கலஹம் (Kalaham), புஷ்பா (Pushpa), அமுதம் போன்ற பழைய தமிழ் எழுத்துருக்களைப் (Legacy Fonts) பயன்படுத்தியே உருவாக்கப்படுகின்றன. இந்த ஃபைல்களை ஆண்ட்ராய்டு மொபைலில் திறந்தால், ஆவணங்களில் உள்ள தமிழ் வார்த்தைகளுக்குப் பதிலாக n[s, fh போன்ற ஆங்கில எழுத்துக்களோ அல்லது வெற்றுப் பெட்டிகளோ (Boxes) தான் திரையில் தோன்றும்.

இந்த நீண்டகாலப் பிரச்சினைக்கு ஒரு நிரந்தரத் தீர்வாகவும், ஒவ்வொரு முறையும் ஆவணங்களை வாசிக்கக் கணினியைத் தேடிச் செல்லும் சிரமத்தைக் குறைக்கவும் உருவாக்கப்பட்ட முற்றிலும் இலவசமான ஆண்ட்ராய்டு செயலிதான் “TS Doc Reader”.

ஆன்லைன் கன்வெர்ட்டர்களை (Online Converters) விடTS Doc Reader எப்படிச் சிறந்தது?

இணையத்தில் பழைய தமிழ் எழுத்துருக்களை யூனிகோட் (Unicode) ஆக மாற்றுவதற்குப் பல இணையதளங்கள் உள்ளன. ஆனால், ஒரு முழுமையான Word கோப்பையோ அல்லது பல தாள்களைக் (Sheets) கொண்ட பெரிய Excel கோப்பையோ காப்பி செய்து, இணையதளத்தில் பேஸ்ட் செய்து மாற்றுவது நடைமுறையில் மிகவும் சிரமமான காரியம். அதிலும் அட்டவணைகள் (Tables) இருந்தால், வடிவமைப்பு முழுவதும் சிதறிவிடும்.

இந்தக் குறையைப் போக்கவே TS Doc Reader உருவாக்கப்பட்டுள்ளது. இதில் நீங்கள் எழுத்துக்களைக் காப்பி செய்யத் தேவையில்லை; நேரடியாக உங்கள் கோப்பையே (File) ஆப்பிற்குள் திறக்கலாம். பெரிய செயலிகளில் கட்டணம் செலுத்தி (Premium) பயன்படுத்த வேண்டிய பழைய எழுத்துருக்களை வாசிக்கும் வசதியை, இந்த ஆப் முற்றிலும் இலவசமாக வழங்குகிறது.

TS Doc Reader செயலியின் முக்கிய சிறப்பம்சங்கள்:

1. Word மற்றும் Excel கோப்புகளுக்கான முழுமையான வசதி: இந்த செயலியின் மிக முக்கியமான சிறப்பம்சம் Word (.docx) மற்றும் Excel (.xlsx / .xls) கோப்புகளைத் துல்லியமாக வாசிப்பதாகும். Word ஆவணங்களில் உள்ள பத்திகள் (Paragraphs) மட்டுமன்றி, அதிலுள்ள அட்டவணைகளையும் (Tables) சிதறாமல் அப்படியே பிரித்து, மொபைல் திரையில் வாசிப்பதற்கு ஏற்றவாறு காண்பிக்கும். Excel கோப்புகளில் உள்ள பல தாள்களையும் (Multiple Sheets) தனித்தனியாகப் பிரித்து, வரிசைக்கிரமமாகத் இந்த TS Doc Reader தமிழுக்கு மாற்றித் தரும்.

2. ஆஃப்லைன் பாதுகாப்பு (100% Offline & Privacy): பொதுவாக ஆவணங்களில் நமது தனிப்பட்ட அல்லது முக்கியமான தகவல்கள் இருக்கலாம். இணையதளங்களில் ஆவணங்களை அப்லோட் செய்யும்போது பாதுகாப்பு குறித்த அச்சம் எழலாம். ஆனால், TS Doc Reader உங்கள் ஆவணங்களை எந்தவொரு சர்வருக்கும் (Server/Internet) அனுப்புவதில்லை. இது உங்கள் மொபைலுக்குள்ளேயே (Local Storage) ஆவணங்களைப் படித்து, அதிலுள்ள தகவல்களைப் பிரித்தெடுத்துத் தமிழுக்கு மாற்றுகிறது. இதனால் உங்களின் தரவுகள் மூலம் 100% பாதுகாப்பாக இருக்கும்.

3. புத்திசாலித்தனமான எழுத்துரு மாற்றி (Smart Font Filter): இந்த ஆப்பில் உள்ள லாஜிக், ஆவணத்தில் உள்ள எழுத்துக்களைக் குருட்டுத்தனமாக மாற்றுவதில்லை. ஒரு ஆவணத்தில் ஏற்கனவே சரியான யூனிகோட் (Unicode) தமிழ் வார்த்தைகள் இருந்தாலோ அல்லது முழுமையான ஆங்கில வார்த்தைகள், எண்கள் இருந்தாலோ, அதனை எந்தக் குழப்பமும் செய்யாமல் அப்படியே விட்டுவிடும். பழைய தமிழ் எழுத்துருக்களில் (Bamini / Legacy) தட்டச்சு செய்யப்பட்ட வார்த்தைகளை மட்டுமே கண்டுபிடித்துத் தமிழுக்கு மாற்றும் “Smart Filter” இதில் இணைக்கப்பட்டுள்ளது.

4. PDF வாசிப்பான் (Beta Stage): Word மற்றும் Excel மட்டுமன்றி, PDF கோப்புகளை வாசிக்கும் வசதியும் இதில் இணைக்கப்பட்டுள்ளது. தற்போது இது ஆரம்பக் கட்டத்தில் (Beta) இருப்பதால், PDF ஆவணங்களில் உள்ள எழுத்துக்களைப் (Text) பிரித்தெடுத்து, அடிப்படை வாசிப்பிற்கு ஏற்றவாறு திரையில் காண்பிக்கும். இது அவசரமாக ஒரு PDF ஆவணத்தில் உள்ள விடயங்களைத் தெரிந்துகொள்ளப் பெரிதும் உதவும்.

5. பயனர் வசதிகள் (User-Friendly Features):

• Copy Text: ஆவணங்களை வாசித்த பின்பு, அதிலுள்ள தகவல்களை ஒரே கிளிக்கில் நகலெடுத்து (Copy), வாட்ஸ்அப் அல்லது சமூக வலைத்தளங்களில் எளிதாகப் பகிர்ந்துகொள்ளலாம்.
• Landscape Mode: பெரிய அட்டவணைகள் மற்றும் எண்களைப் பார்ப்பதற்கு வசதியாக, ஒரே கிளிக்கில் மொபைல் திரையைக் கிடைமட்டமாக (Landscape) மாற்றிக்கொள்ளும் வசதி TS Doc Reader ல் உள்ளது.
• Original Text View: ஆவணத்தில் உள்ள வரிகளைத் தொடுவதன் (Tap) மூலம், அது மாற்றப்படுவதற்கு முன் எப்படி இருந்தது (Original Text) என்பதையும் ஒப்பிட்டுப் பார்க்கும் வசதியும் உள்ளது.

எதிர்காலப் புதுப்பிப்புகள் (Auto OTA Updates)

இந்த TS Doc Reader ஒரு Beta (v1.0.0) பதிப்பாகும். இதில் உள்ள மிகச் சிறந்த தொழில்நுட்ப வசதி இதன் “ஆட்டோ அப்டேட்” (Auto Update) ஆகும். இந்த ஆப்பை நீங்கள் ஒருமுறை டவுன்லோட் செய்து இன்ஸ்டால் செய்தால் போதுமானது. எதிர்காலத்தில் ஆப்பில் செய்யப்படும் புதிய வசதிகள், எழுத்துருத் திருத்தங்கள் மற்றும் டிசைன் மாற்றங்கள் அனைத்தும் இணையம் மூலமாகத் தானாகவே உங்கள் ஆப்பிற்குள் புதுப்பிக்கப்பட்டுவிடும். மீண்டும் புதிதாக டவுன்லோட் செய்ய வேண்டியதில்லை.

தமிழ் ஆவணங்களை மொபைலில் வாசிக்கும் சிரமத்தை முற்றுமுழுதாக நீக்க வந்திருக்கும் இந்தச் செயலியை அனைவரும் இலவசமாகத் தரவிறக்கம் செய்து பயன்படுத்தலாம்.

பதிவிறக்கம் செய்வது எப்படி? (How to Download)

1. கீழே கொடுக்கப்பட்டுள்ள Download App பட்டனைக் கிளிக் செய்து, .apk ஃபைலை உங்களின் ஆண்ட்ராய்டு மொபைலில் தரவிறக்கம் (Download) செய்து கொள்ளுங்கள்.
2. தரவிறக்கம் செய்த ஃபைலைக் கிளிக் செய்து Install கொடுங்கள். (குறிப்பு: உங்கள் மொபைலில் “Install unknown apps” என்ற செக்யூரிட்டி அனுமதி கேட்டால், அதனை Settings-ல் ‘Allow’ செய்து இன்ஸ்டால் செய்யவும்).
3. ஆப்பைத் திறந்து, உங்களுக்கு வேண்டிய ஆவணத்தைத் தேர்ந்தெடுத்து எளிதாக வாசியுங்கள்!

[👇 கீழே உள்ள பட்டனைக் கிளிக் செய்து TS Doc Reader ஐ தரவிறக்கம் செய்யவும்]

எமது TS Doc Reader பற்றிய உங்களின் மேலான கருத்துக்கள்:

இந்தச் TS Doc Reader செயலி எந்தவிதமான வர்த்தக நோக்கமும் இல்லாமல், ஒரு தனி மனித முயற்சியாகத் தொழில்நுட்ப உலகிற்கு இலவசமாக வழங்கப்படுகிறது. இதனைப் பயன்படுத்திப் பார்த்துவிட்டு, உங்களின் மேலான கருத்துக்களையும், பிழைகள் ஏதேனும் இருந்தால் அதனையும் எங்களுக்குத் தெரியப்படுத்துங்கள். உங்களின் ஆதரவுடன் TS Doc Reader இன்னும் பல புதிய வசதிகளுடன் தொடர்ந்து மெருகேறும்.

மேலும் இந்த TS Doc Reader ஐ பாவிக்கும் போது ஏற்படும் பிரச்சினைகளை கிழே உள்ள கமார்ண்டில் பகுதியில் சொல்லுங்கள் – இது இந்த TS Doc Reader ஆப்பை இன்னும் மேம்படுத்த உதவும்

TS Doc Reader ஐ பயன்படுத்துங்கள், ஆவணங்களை எளிதாக வாசியுங்கள்!

இந்த TS Doc Reader செயலி எவ்வாறு இயங்குகிறது என்பதற்கான மேலதிக விவரங்களுக்கு, எனது YouTube சேனலில் உள்ள வீடியோவைப் பார்க்கவும். மறக்காமல் Subscribe பண்ணவும்!